ಇರುಳ ವಿರುದ್ಧ ಬೆಳಕಿನ ಯುದ್ಧ

"ಉಸ್ಸಪ್ಪಾ.. ಸಾಕಾಯ್ತು ನೋಡು ಈ ಬಿಸಿಲಿನಲ್ಲಿ ತಿರುಗಾಡಿ ಬಂದು. ಯಾಕಾದರೂ ಇವತ್ತು ಹೊರಗೆ ಹೊರಟೆನೇನೊ ಅಂತ ಅನ್ನಿಸಿಬಿಡ್ತು ನನಗೆ. ಹೊರಗಡೆ ಎಷ್ಟೊಂದು ಸೆಕೆ ಇದೆ. ಬೇಸಿಗೆಯಲ್ಲಿ ಸುಡುವ ಬಿಸಿಲಿದ್ದರೂ ಇಷ್ಟೊಂದು ಸೆಕೆ ಆಗ್ತಿರಲಿಲ್ಲ. ಇವತ್ತು ಮಾತ್ರ ತುಂಬಾ ಹಿಂಸೆಯಾಗಿಬಿಟ್ಟಿತು. ಸದ್ಯದ ಕಾಲಕ್ಕೆ ಇಷ್ಟೊಂದು ಸೆಕೆಯನ್ನ ನಾನು ಅನುಭವಿಸಿರಲಿಲ್ಲ" ಎನ್ನುತ್ತಾ ಜಗುಲಿಯ ಕೊನೆಯಲ್ಲಿದ್ದ ಕಟ್ಟೆಯ ತುದಿಯಲ್ಲಿ ಕುಳಿತುಕೊಂಡು ನುಡಿದಿದ್ದರು ನರಸಿಂಹರಾಯರು. "ನಾನು ಹೋಗುವಾಗಲೇ ಹೇಳಿದೆ ತಾನೆ? ಯಾಕೆ ಈ ಬಿಸಿಲಿನಲ್ಲಿ ಹೊರಡ್ತೀರಿ ಅಂತ. ಆದರೆ ನೀವು ಕೇಳಲೇ ಇಲ್ಲ. ರಂಗಣ್ಣನ ಜೊತೆಗೆ ಮಾತನಾಡಿ ಬರಬೇಕು. ಅವನ ಬಳಿ ...